Ռուս աստղաֆիզիկոսները օգոստոսի 25-ին Արևի վրա միջին С դասի 12 բռնկում են արձանագրել: Այս մասին հայտնում է korrespondent.net-ը՝ հղում անելով Կիրառական երկրաֆիզիկայի ինստիտուտին:
«Արևի սկավառակի վրա նկատվել է 2 խումբ հետք: 2403 (S15W31) խմբում գրանցվել է ռենտգենյան միջակայքով С դասի 12 բռնկում»,- ասվում է հաղորդագրության մեջ:
Ինստիտուտում նշում են, որ օգոստոսի 26-ին՝ 12:00-ին, Երկրի վրա սկսվել է հերթական մագնիսական փոթորիկը:
Կանխատեսման համաձայն՝ օգոստոսի 27-ին Արևի վրա բռնկման ակտիվությունը սպասվում է չափավոր, Х դասի բռնկումների հավանականություն կա, գեոմագնիսական դաշտը կարող է հանգիստ լինել, բայց անկայուն:
Արևային բռնկումները ճառագայթման հզոր պարպումներ են։ Բռնկումից վտանգավոր ճառագայթումը չի կարող անցնել Երկրի մթնոլորտի միջով և ֆիզիկապես բացասաբար ազդել մարդկանց վրա։
