Ոստիկանությունը փոքրիկ կենդանուն հայտնաբերել է ավտոմեքենաներից մեկի բեռնախցիկում, որի վարորդը պնդում էր, թե տեղափոխում է սատկած կենդանու, ում մեքենայով հարվածել էր ճանապարհին, հայտնում է lifenews.ru-ն:
Միչիգանի Կալամազու քաղաքի իրավապահները պարեկային հսկողության ժամանակ եղջերուին հայտնաբերել էին հյուրանոցներից մեկի մոտ գիշերվա ժամը 2.00-ին կայանված ավտոմեքենաներից մեկում: Վարորդը պատմել էր ոստիկաններին, որ վթարից հետո կենդանուն որոշել է տեղափոխել տուն՝ ընտանիքին կերակրելու նպատակով:
Բացելով բեռնախցիկը՝ ոստիկաններին դիմավորել էր ոչ թե կենդանու անշունչ մարմինը, այլ միանգամայն աշխույժ կենդանի, որը պարզապես փախել էր: Թե ոստիկանը, թե վարորդն այնքան են շփոթվել, որ չեն կարողացել բռնել կենդանուն: Եղջերուն վազել է մոտակա անտառ ու անհետացել, որից հետո նրան չի հաջողվել հայտնաբերել:
