adme.ru-ն խորհուրդ է տալիս պլաստիկե շշով ջուր գնելիս անպայման ուշադրություն դարձնել, թե պլաստիկի հատկապես որ տեսակից է այն պատրաստված:
Ցանկացած շիշ ունենում է այս նշումներից մեկը: Ահա թե ինչ են նշանակում դրանք.
PET կամ PETE
Սա նշանակում է, շիշը մեկանգամյա օգտագործման համար է: Դրանք կարող են հեղուկի մեջ անջատել ծանր մետաղներ և մարդու հորմոնալ հավասարակշռության վրա ազդող նյութեր: PET-ն աշխարհում ամենահաճախ օգտագործվող պլաստմասսայի տիպն է: Կարևոր է հիշել, որ այն նախատեսված է մեկանգամյա օգտագործման համար:
HDP կամ HDPE
Դա շատ լավ պլաստիկ է, որը գործնականում ոչ մի թունավոր նյութ չի արտադրում: Մասնագետները խորհուրդ են տալիս այդպիսի շշով ջուր գնել: Բացի անվտանգ լինելուց՝ այդպիսի գրեթե ամբողջ պլաստիկը վերամշակվում է:
PVC կամ V
Այդ նյութից պատրաստված նյութերն անջատում են առնվազն 2 տեսակի վտանգավոր քիմիկատ: Երկուսն էլ բացասաբար են ազդում մարդու հորմոնալ հավասարակշռության վրա:
LDPE
Այս պլաստիկն օգտագործվում է շշերի և պլաստիկե տոպրակների համար: Այն քիմիական նյութեր չի անջատում ջրի մեջ: Բայց այն անվտանգ է միայն ջրի տարայի դեպքում: Խանութում դրանից պատրաստված փաթեթները գնել պետք չէ. հնարավոր է՝ ուտեք ոչ միայն այն, ինչ գնել եք, այլև սրտի համար որոշ բավական վտանգավոր քիմիկատներ:
PP
Այդ պլաստիկը սպիտակ կամ կիասաթափանց տոներ ունի: Օգտագործվում է որպես յոգուրտի և հյութերի փաթեթ: Այն գնահատվում է իր ջերմակայունության համար: Հարաբերականորեն անվտանգ է:
PS
Հաճախ օգտագործվում է սուրճի բաժակների և արագ սննդի տարաների համար: Սակայն տաքանալիս վտանգավոր քիմիական միացություններ է անջատում:
PC կամ պլաստմասսա առանց հատուկ նշանների
Դա պլաստիկի ամենավտանգավոր տեսակն է: Օգտագործվում է ջրի շշերի և սննդային տարաների համար: Այսպիսի տարաներում կտրականապես արգելվում է սնունդ կամ ջուր պահել. այն վնասում է մարդու էնդոկրին համակարգը, ճնշում է էստրոգեն հորմոնի արտադրությունը:
