Նոր ուսումնասիրությունը կապիկների մոտ հայտնաբերել է տարօրինակ և ցնցող ընդունակություն: Պարզվում է, որ նրանք չեն սիրում եսասեր մարդկանց, նույնիսկ երբ այդ մարդիկ կենդանիներին կաշառում են համեղ սննդով: Այսպիսով հնարավոր է եղել ապացուցել, որ կենդանիները կարողանում են կարծիք կազմել մյուսների մասին այնպես, ինչպես և մարդիկ: Ուսումնասիրությանը մասնակցել են սոցիալական շփման առումով զարգացած յոթ կապիկներ և երկու մարդ: Կապիկները հետևել են այդ երկու մարդկանց գործողություններին: Մարդկանցից մեկը կամ օգնել է, կամ հրաժարվել օգնել մյուսին բացել խաղալիքով տարան:
Այնուհետև մարդիկ հերթով հյուրասիրել են կապիկներին: Կենդանիները օգտվել են միայն այն մարդու ձեռքից, ով մյուսին օգնել է բացել տարան: Փորձագետները նշում են, որ մերժումը կապիկները որպես վտանգ են ընկալել:
Կապիկները ամբողջովին կախված են փոխշահավետ համագործակցությունից, և սխալ գործընկերոջ ընտրությունը նշանակում է, որ նրանք շատ բան են կորցնում: Այս ընդունակությունը հայտնաբերվել է կապիկների տարբեր տեսակների մոտ: Դրանից բացի, եսասերներին կարողանում են տարբերել նաև 3 ամսական երեխաները: Եվ դա բացահայտում է հին էվոլյուցիոն արմատներ:
Այսպիսով, եթե ինչ-որ մեկը ցանկանում է իր շրջապատում հայտնաբերել եսասեր մարդկանց, նա պետք է կապիկ պահի:
