Եգիպտոսում իշխող «Մուսուլման եղբայրներ» շարժումը սպասում է, որ Հռոմի նոր Պապ Ֆրանցիսկոսն ավելի հանդուրժող կլինի իսլամի նկատմամբ, քան թե Բենեդիկտոս 16-րդը:
«Մենք հուսով ենք, որ նոր Պապն ավելի հանդուրժող ու հեռատես կլինի, քան նախորդները»,- ասել է շարժման մամլո քարտուղար Մահմուդ Գոզլանը։ Այս մասին հաղորդում է Muslim Mirror-ը:
«Բենեդիկտոս 16-րդը միջկրոնական հարաբերությունների հարցերում երբեմն սադրող էր, իսկ նրա արտահայտությունները Մուհամմեդ մարգարեի վերաբերյալ կարծես հարձակումներ լինեին»,- ասել է նա:
«Մենք նաև սպասում ենք, որ Հռոմի Պապ Ֆրանցիսկոսը հանդուրժողականություն կցուցաբերի և կջանա խաղաղություն ու փոխադարձ հարգանք հաստատել կրոնների միջև՝ համաձայն քրիստոնեության գաղափարախոսության»,- հավելել է Գոզլանը:
