Վերջին 60 տարում աշխարհում խփվել է մոտ 20 քաղաքացիական ինքնաթիռ, սակայն միայն երկու անգամ են այդ ողբերգական միջադեպերը դարձել ՄԱԿ-ի Անվտանգության խորհրդում քննարկման առարկա։ Այս մասին հայտնում է Unian գործակալությունը՝ հղում անելով ՄԱԿ-ի մամլո ծառայության հայտարարությանը։
Առաջին քննարկումը 1983 թվականի սեպտեմբերին էր, երբ Սախալինից ոչ հեռու խորհրդային կործանիչը խփեց հարավկորեական ուղևորատար օդանավ, որը երթուղուց շեղվել էր ավելի քան 500 կմ-ով։ Այդ ժամանակ զոհվել էր 269 մարդ։
Երկրորդ քննարկումը ձևավորվեց 5 տարի անց՝ 1988 թվականին, երբ համանման դրամա տեղի ունեցավ Պարսից ծոցի գլխավերևում։ Ամերիկյան ռազմական հածանավը հրթիռ արձակեց իրանական ավիաուղիների քաղաքացիական օդանավի ուղղությամբ, զոհվեց 290 մարդ։
Այսօր ՄԱԿ ԱԽ-ն պետք է քննարկի Դոնեցկի մոտ անցած տարի կործանված մալայզիական Boeing-ի գործով միջազգային տրիբունալի ստեղծման բանաձևի նախագիծը։ Նախաձեռնությունը Մալայզիայինն է։
