Հովհաննիսյան-Ծառուկյան հանդիպումը ստեղծված իրավիճակի վերաբերյալ կարծիքների փոխանակման համար էր: Այս մասին քիչ առաջ Ազատության հրապարակում հայտարարեց «Ժառանգություն» կուսակցության փոխնախագահ Արմեն Մարտիրոսյանը՝ անդրադառնալով Հովհաննիսյան-Ծառուկյան հանդիպմանը:
Ըստ Մարտիրոսյանի՝ հանդիպումը դասվում է սովորական հանդիպումների շարքին, որ «Ժառանգությունն» ունեցել է հրապարակավ:
«Այդ հանդիպումը տեսակետների փոխանակման համար էր: Դուք ի՞նչ էիք սպասում. համագործակցությունը ոչ թե հանդիպումներով է լինում, այլ ցանկացած քաղաքական ուժ կարող է միանալ՝ մենք արդեն այստեղ ենք, մի մասն ենք այս պայքարի»,- ասաց Արմեն Մարտիրոսյանը:
Ի՞նչ է լինելու ապրիլի 9-ից հետո, եթե Սերժ Սարգսյանն ինքնաբացարկ չհայտնի՝ հարցին պատասխանեց. «Այլևս այստեղ հավաքվածներն առևտրական չեն, ինչպես նախկինում: Կա խնդիր, որը պետք է լուծվի երկխոսության միջոցով, համակարգային լուծումների տեսքով»:
Լուսանկարը՝ PanARMENIAN Photo-ի
