Դանիացի մեկենաս Բեռլինի բնագիտության թանգարանին տիրանոզավր է տրամադրել իր հավաքածուից: Այս մասին հայտնում է «Ռոսիսկայա գազետա»-ն:
Գերմանացի գիտնականները հույս ունեն մանրամասնորեն ուսումնասիրել նոր նմուշն ու սենսացիոն տվյալներ ստանալ 66 մլն տարի առաջ ապրած կենդանու մասին: Դեկտեմբերից Tyrannosaurus Rex դինոզավրի հրաշալի պահպանված կմախքը ծրագրվում է ցուցադրել Բեռլինի բնագիտության թանգարանում:
Տիրանոզավրը հայտնաբերվել է ԱՄՆ Մոնտանա նահանգում, հետո հայտնվել է կոլեկցիոների հավաքածուում: Գտածոն թանգարանին փոխանցելու ցանկությունը թանգարանն անվանել է «բացառիկ իրադարձություն և եվրոպական սենսացիա»: Մեկենասի դրդապատճառների մասին պաշտոնապես ոչինչ հայտնի չի եղել, սակայն թանգարանի տնօրենը պատմել է, որ դանիացին պարզապես ցանկացել է ավելին իմանալ այդ կենդանու մասին:
