Business Georgia-ի փոխանցմամբ՝ Վրաստանն ու Իրանը մոտ ժամանակներս կվերականգնեն ավիահաղորդակցությունը։ Ակնկալվում է, որ հուլիսի 30-ից իրենց չվերթները կվերսկսեն վրացական Airzena ու իրանական ATA Airlines ավիաընկերությունները։
Airzena ընկերության գլխավոր տնօրեն Իասե Զաուտաշվիլին հայտարարել է, որ առաջին փուլում ծրագրված է իրականացնել շաբաթական երկու չվերթ։ Վրաստանի Քաղաքացիական ավիացիայի գործակալության ղեկավար Գուրամ Ջալագոնիան հայտարարել է, որ ավիաչվերթների վերսկսման մասին որոշումն ընդունվել է հուլիսի 22-ին։ Չվերթների հաճախականությունը կախված կլինի պահանջարկից։
Ընդգծվում է, որ հուլիսի 2-ին Թեհրանից Թբիլիսի չվերթները պետք է վերսկսեր իրանական Mahan Air ավիաընկերությունը, սակայն չվերթը չեղյալ էր հայտարարվել անհայտ պատճառներով։ Վրաստանի ու Իրանի միջև ավիահաղորդակցությունը դադարեցվել է արդեն մի քանի ամիս։
Մինչև 2014 թվականի հոկտեմբերւն Թբիլիսիի ու Թեհրանի միջև ուղիղ չվերթներ իրականացրել է Fly Vista ավիաընկերությունը, սակայն պահանջարկի բացակայության պատճառով ընկերությունը հարկադրված էր եղել դադարեցնել չվերթները։
