Universal Pictures կինոընկերությունը հայտարարել է «Յուրյան դարաշրջանի աշխարհը» ֆիլմի շարունակության մասին։ Այս մասին հայտնում է Reuters գործակալությունը։
Այն բանից հետո, երբ ֆիլմը ողջ աշխարհում հավաքեց ավելի քան 1.5 մլրդ դոլար, ընկերությունը հայտարարել է շարունակության ստեղծման մասին։ Ֆիլմի երկրորդ մասի թողարկումը ծրագրված է 2018-ի հունիսի 22-ին։
«Յուրյան դարաշրջանի աշխարհը», որը Սթիվեն Սփիլբերգի «Յուրյան դարաշրջանի այգին» ֆիլմի վերաթողարկումն է, դարձել է պատմության մեջ եկամտաբերությամբ երրորդ մեծ ֆիլմը։ Դերասաններ Քրիս Պրատն ու Բրայս Դալլաս Հովարդը հաստատել են իրենց մասնակցությունը նախագծին։ Սփիլբերգը հայտնել է, որ հանդես կգա որպես գործադիր պրոդյուսեր։
