Իտալական «Պալերմո» ակումբը, որ ընթանում է Իտալիայի Ա Սերիայի մրցաշարային աղյուսակի վերջին հորիզոնականով, ընթացիկ մրցաշրջանում արդեն չորրորդ անգամ զբաղեցրած պաշտոնից ազատում է գլխավոր մարզչին:
Ջան Պյերո Գասպերինին, ով զբաղեցրել էր թիմի գլխավոր մարզչի պաշտոնը փետրվարի 24-ին, հեռանում է թիմից: Կողմերը փոխադարձ համաձայնության են եկել գործող պայմանագիրը լուծելու հարցում: Հարկ է նշել, որ Գասպերինիի երկրորդ հնարավորության ժամանակ «Պալերմո»-ն ընդամենը երկու խաղ անցկացրեց:
Ընթացիկ մրցաշրջանը թիմն սկսեց Ջուզեպե Սանինոյի գլխավորությամբ, որը պաշտոնանկ արվեց սեպտեմբերի 16-ին: Նրա իրավահաջորդն էր Գասպերինին, ով «դիմացավ» մինչև փետրվարի 4-ը: Վերջինիս փոխարինելու եկավ Ալբերտո Մալեզանին, ում ևս երկար աշխատել չհաջողվեց. փետրվարի 24-ին նա ևս պաշտոնանկ արվեց: Գասպերինին ստացավ երկրորդ շանսը, սակայն ձախողումը երկար չսպասեցրեց: Ընդամենը մի քանի օր հետո՝ մարտի 11-ին, նա ևս ազատվեց գլխավոր մարզչի պաշտոնից:
