Վերջին մի քանի ամիսների նյարդային լարվածությունն անդրադարձել է Ջասթին Բիբերի ինչպես ֆիզիկական, այնպես էլ հոգեբանական առողջության վրա:
Ամեն բան սկսվել է նրանից, որ անցյալ հինգշաբթի օրը երգիչն ուշագնաց է եղել համերգի ժամանակ: Շոուն դադարեցվել է, իսկ Բիբերը 20 րոպե թթվածնային դիմակով է շնչել: Հետո ուշքի գալով՝ նա վերադարձել է բեմ, սակայն համերգի ավարտից անմիջապես հետո տեղափոխվել է հիվանդանոց, որտեղ բժիշկներն ինչպես հարկն է՝ զննել են նրան:
Հաջորդ օրը Ջասթինը նորից բեմ է բարձրացել՝ չնայած նշել է, որ դեռ «շունչը մի փոքր կտրվում է»: մոտ ժամանակներս Պորտուգալիայում ծրագրված համերգները հետաձգվել են:
Այսպիսով՝ հոգնած ու հոգեպես ճնշված Բիբերը հունից դուրս է եկել, երբ նրան սկսել են հետապնդել պապարացիները: Բիբերն այնքան է կատաղել չափազանց մեծ ուշադրությունից, որ բռունցքներով հարձակվել է պապարացիների վրա:
Երաժշտի թիկնապահները նրան դժվարությամբ են հետ պահել կռվից, հայտնում է spletnik.ru-ն:
