Վրաստանի արդարադատության նախկին նախարար Զուրաբ Ադեիշվիլին հայրենիք վերադառնալու որոշում է կայացրել: Այս մասին հաղորդում է Frontnews-ը՝ վկայակոչելով իր աղբյուրներին:
Գործակալության տվյալներով՝ Ադեիշվիլին Վրաստան վերադառնալու որոշում է կայացրել այն բանից հետո, երբ պաշտպանության նախկին նախարար Դմիտրի Շաշկինը վերադարձել է հայրենիք:
«Ադեիշվիլին դեռևս քաղաքական ապաստան չի ստացել, և երկիրը լքելու ցանկությունը պայմանավորված է դրանով: Նախկին նախարարը Վրաստան կվերադառնա ընթացիկ ամսվա վերջին: Մինչ այդ նա բանակցություններ կանցկացնի միջնորդների միջոցով, որպեսզի իրեն չձերբակալեն հայրենիք վերադառնալուց անմիջապես հետո»,- ասել է աղբյուրը:
Վրաստանի դատախազությունը Ադեիշվիլիին մեղադրում է «Կարտու» բանկը սնանկացնել փորձելու և բանտարկյալների հանդեպ կտտանքները կազմակերպելու մեջ:
