Լայն զանգվածներին քիչ հայտնի Motorola Security ընկերությունը, որը պահպանել է անկախությունն այն բանից հետո, երբ Google-ը գնեց Motorola Mobility-ն, ստեղծել է աշխարհում ամենաապահով բջջային հեռախոսը: Այս մասին հայտնում է Vesti-ն:
Տեղեկատվական անվտանգության միջազգային համաժողովում Motorola Security-ն ցուցադրել է AME 2000 անվանումը կրող սարքը, որն արժե մոտ 2000 դոլար:
Հեռախոսը ստեղծվել է ոչ թե հասարակ սպառողների, այլ խոշոր ընկերությունների ու պետական գերատեսչությունների աշխատակիցների համար: Առավել հասանելի Motorola Atrix HD սմարթֆոնի պլատֆորմի վրա հիմնված գաջեթը ենթարկվել է արդիականացումների: Խոսքը միայն ծրագրային ապահովման մասին չէ:
AME 2000-ը պաշտպանության մի քանի մակարդակ ունի: Ծածկագրման ստանդարտ միասնական «պրոտոկոլի» փոխարեն այստեղ կիրառվում են երկու շերտեր, որոնց համար պատասխանատու են երկու տարբեր պրոցեսորներ:
Իր եզակի չիպը Motorola Security-ն անվանել է CRYPTR micro: Այն նման է microSD քարտին:
