Կուադրադոն, ամենայն հավանականությամբ, կվերադառնա Իտալիա

Լոնդոնի «Չելսի»-ի կիսապաշտպան Խուան Կուադրադրոն ամառային տրանսֆերային պատուհանի ընթացքում կարող է վերադառնալ Իտալիա, տեղեկացնում է Goal.com-ը:

Կոլումբիայի ազգային հավաքականի կիսապաշտպանի ծառայություններով հետաքրքրված է «Ինտեր»-ը:

Միլանյան ակումբը ցանկանում է վարձակալել «Ֆիորենտինա»-ի նախկին կիսապաշտպանին հետագայում տրանսֆերը գնելու նպատակով:

Հաղորդվում է, որ հնարավոր գործարքը գնահատվում է մոտ 27 մլն եվրո ( 2 մլն վարձակալության և 25 մլն 2016 թվականին հնարավոր տրանսֆերի համար):