35-ամյա երգչուհի Փինկը միշտ էլ հայտնի է եղել ոչ միայն ուժեղ ձայնով, այլև գեղեցիկ կազմվածքով: Սակայն դստեր՝ Ուիլոուի ծնվելուց հետո Փինկն իմացավ՝ ինչ բան են ավելորդ կիլոգրամները և սկսեց աշխատել դրանցից ազատվելու ուղղութամբ: Այնուամենայնիվ, գտնվում են մարդիկ, ովքեր շատ նորմալ են համարում կողմնակի մարդուն նկատողություն անելը՝ անդրադառնալով նրա կազմվածքին:
Չհանդուրժելով նմանատիպ արտահայտությունները՝ Փինկը պատասխանել է իրեն վիրավորողներին։
«Ես աղջնակիս եմ մեծացնում: Ես էլ եմ աղջիկ: Մարդիկ կարծում են՝ ես ուշադրություն չեմ դարձնում իմ հասցեին ուղղված վիրավորանքներին, սակայն ամեն անգամ դա ավելի դժվարությամբ է ինձ տրվում: Ես ևս մարդ եմ: Ես չեմ հանդուրժի ծաղրանքները: Եվ երբեք չէի հանդուրժի: Ես այն մարդկանցից չեմ, ովքեր թույլ են տալիս ծաղրել իրենց: Եվ ոչ էլ նրանցից, ովքեր մի կողմ կանգնած լռում են, քանի դեռ ուրիշին են ծաղրում»,- ասել է երգչուհին:
«Ինձ թվում է՝ մարդիկ մի փոքր շփոթվել են: Նրանք կարծում են, թե իրենց կարծիքը կարևոր է և որոշակի կշիռ ունի: Բայց ես չեմ հասկանում՝ այդ ինչից ելնելով են նրանք իրենց պարգևատրել կարևորության այդ աստիճանով: Այնպես որ, կարծում եմ՝ ես պետք է հիշեցենեմ, որ ինձ չի հուզում իրենց կարծիքը: Ես լիարժեք կյանքով եմ ապրում, շատ եմ սիրում ուտել և պաշտում եմ պատրաստելը: Ես սիրում եմ ապրել: Ես դրանում հաճույք եմ գտնում, և մեր ընտանիքում ամեն ինչ շատ լավ է: Ինձ մոտ ամեն ինչ շատ լավ է, ես լիարժեք երջանիկ եմ: Իմ առողջությունը գերազանց է, իսկ շատ ուժեղ մարմինս արժանի է մի փոքր հանգստի: Շնորհակալություն ձեր հոգատարության համար»,- հավելել է երգչուհին:
