Սերբիայի խորհրդարանը «Հարավային հոսքի» կառուցման մասին օրենք է ընդունել, որը թույլ կտա արագացնել այդ երկրի տարածքով գազատար խողովակի անցկացման շինարարության համար հողի հատկացման գործընթացը: Օրենքին կողմ է քվեարկել 250 պատգամավորներից 176-ը: Օրենքին կողմ են քվեարկել ինչպես կառավարող կուսակցությունների, այնպես էլ ընդդիմադիր ուժերի պատգամավորներ:
Փաստաթղթում նշվել են հողի օտարման հետ կապված հատուկ կանոններ: Հողատերերը կստանան իրենց հողերի համար հասանելիք գումարը՝ ըստ շուկայական արժեքի: Օրենքն ուժի մեջ կմտնի պաշտոնական տեղեկագրում հրապարակվելու հաջորդ օրը: Գազատարի կառուցումը Սերբիայի միջով նախատեսվում է սկսել 2013 թ. առաջին եռամսյակում: Գազատարի կառուցման համար այս տարի արդեն հատկացվել է 102 մլն եվրո: Այդ նախագծի իրականացման համար ներդրվելու է ընդհանուր առմամբ 1,7 մլրդ եվրո:
«Հարավային հոսքի» ծրագրի համար ներդրումային դրական որոշումը կայացվել էր 2012 թ. հոկտեմբերին: Газпром-ը գազատարի կառուցումը կիրականացնի Սև ծովի ջրերով դեպի Հարավային և Կենտրոնական Եվրոպա:
Նախագծի ցամաքային հատվածի իրականացման համար Բուլղարիայի, Սերբիայի, Հունգարիայի, Հունաստանի, Սլովենիայի և Խորվաթիայի հետ ստորագրվել են միջկառավարական համաձայնագրեր: 2009 թ. ստեղծվել է համատեղ South Stream Serbia AG ընկերությունը: Газпром-ի մասնաբաժինը կազմում է 51 %, իսկ Сербиягаз-ինը` 49 %:
