Նավթ արտահանող երկրների կազմակերպությունը (OPEC) աշխարհում նավթի պահանջարկի մեծացման կանխատեսումները 2011 թ. համար բարձրացրել է օրական մինչև 87.9 մլն բարելի: Դա 1.4 մլն բարելով ավելի է, քան նախորդ տարվա նույն ժամանակահատվածում:
Կազմակերպության հաղորդագրության մեջ ասվում է, որ նավթի պահանջարկի վրա մեծ ազդեցություն ունի Ճապոնիայի բնական աղետը, որտեղ նվազել է նավթի պահանջարկը: Սակայն OPEC-ում կանխատսեում են, որ տարվա ընթացքում Ճապոնիայում կրկին կմեծանա «սև ոսկու» պահանջարկը:
OPEC-ում նաև նշում են, որ այդ կազմակերպությունն այս տարի համաշխարհային շուկա կմատակարարի օրական մոտ 52.78 մլն բարել, ինչը 0.6 մլն բարելով ավելի է, քան նախորդ տարի:
Հիշեցնենք, որ OPEC անդամ են Ալժիրը, Քաթարը, Էկվադորը, Անգոլան, Իրանը, Իրաքը, Վենեսուելան, Լիբիան, Նիգերիան, Սաուդյան Արաբիան և Արաբական Միացյալ Էմիրությունները:
