Ֆրանսիայի ԱԳՆ-ն իր երկրի քաղաքացիներից պահանջում է անհապաղ լքել Կամերունի հյուսիսը: Ինչպես հաղորդում է RIA Novosti-ն՝ վկայակոչելով գերատեսչության հաղորդագրությունը, ԱԳՆ-ը նման հայտարարությամբ է հանդես եկել Կամերունում յոթ ֆրանսիացիների առևանգումից հետո:
«Փետրվարի 19-ին ֆրանսիացիների առևանգումից հետո խորհուրդ է տրվում չգնալ Կամերունի հյուսիս և Նիգերիայի հետ սահմանակից շրջան մինչև նոր ցուցումները: Ֆրանսիայի քաղաքացիները, որոնք գտնվում են երկրի հյուսիսում, պետք է անպայման ուղևորվեն հուսալի վայր և ինչքան հնարավոր է՝ շուտ դուրս գան այդ գոտուց»,- նշում է գերատեսչությունը:
ԱԳՆ-ը Չադում գտնվող ֆրանսիացիներին խորհուրդ է տալիս խուսափել Կամերունի հետ սահմանակից շրջաններ այցելելուց:
Ֆրանսիայի քաղաքացիներին պաշտոնապես կոչ է արվում նաև զերծ մնալ Նիգեր, Լիբանան, Սուդան և Կենտրոնաֆրիկյան Հանրապետություն այցերից, որոնք սահմանակից են Մալիի հետ և Մալիի հյուսիսի որոշ խմբավորումների կողմից կարող են օգտագործվել որպես միջանցք կամ փախուստի գոտի:
Հիշեցնենք, որ նախօրեին հինգ զինված անձիք Կամերունի հյուսիսում պատանդ են վերցրել ֆրանսիացիների, որոնք մեկ ընտանիքի անդամներ են՝ երեք մեծահասակ և չորս երեխա: Ֆրանսիայի արտգործնախարար Լորան Ֆաբիուսը հայտարարել է, որ առևանգման հետևում կարող են կանգնած լինել «Բոկո Հարամ» նիգերիացի իսլամիստների ծայրահեղ խմբավորման գրոհայինները: Կամերունի ԱԳՆ տվյալներով՝ պատանդներին տեղափոխել են Նիգերիա: