Մայիսի 5-ին միջազգային հանրությունը նշում է Հաշմանդամների իրավունքների համար պայքարի միջազգային օրը՝ գրում է Calend-ը:
Օրը նշվում է 1992-ից, երբ մայիսի 5-ին 17 եվրոպական երկրներում սահմանափակ հնարավորությունների տեր մարդիկ անցկացրեցին հաշմանդամների հավասար իրավունքների համար և ֆիզիկական, հոգեկան կամ տեղաշարժման սահմանափակումների տեր մարդկանց խտրականության դեմ պայքարի օր: Այդ օրվանից ի վեր նման միջոցառումները դարձել են ավանդական և անցկացվում են մայիսի 5-ին:
Օրվա նպատակն է լայն հանրության ուշադրությունը հրավիրել սահմանափակ հնարավորությունների տեր մարդկանց իրավունքների պաշտպանության խնդիրներին: