Գերմանիայի մայրաքաղաք Բեռլինում պետական հաստատությունների աշխատակիցների նախազգուշական գործադուլի ալիքը, որը սկսվել է երկուշաբթի, և որին մասնակցել են դպրոցների և մանկապարտեզների շուրջ 5000 ուսուցիչներ ու դաստիարակներ, չի հանդարտվում ու ընդգրկում է երկրի այլ շրջաններ: Ցուցարարների գլխավոր պահանջներն են՝ աշխատավարձի բարձրացում և սակագնային համաձայնագրերի վերանայում:
Ինչպես հաղորդում է ITAR-TASS-ը, այսօր բողոքի ակցիաներ են ընթանում Բավարիայում, Բադեն-Վյուրթեմբերգում և Ստորին Սաքսոնիայում:
Verdi ծառայությունների ոլորտի աշխտակիցների արհմիությունը, որը համակարգում է ակցիաները, հույս ունի, որ Գերմանիայի հարավում գործադուլներին կմասնակցեն հազարավոր մարդիկ:
Աշխատանքը դադարեցնելու կոչ է արվել երկրամասային պաշտոնական ատյանների, համալսարաննների, ճանապարհա-վերանորոգման ծառայությունների ձեռնարկությունների աշխատակիցներին և այլն:
Արրհմիությունները պահանջում են 6.5%-ով բարձրացնել պետական հաստատությունների աշխատակիցների աշխատավարձը: Խոսքը շուրջ 800 հազար մարդու մասին է ամբող երկրի մասշտաբով:
«Մենք դեռևս չենք դիմում վճռական միջոցների, այլ անցկացնում ենք նախազգուշական գործադուլներ»,- նշել է Բադեն-Վյուրթեմբերգի Verdi-ի ղեկավար Լենի Բրայմայերը: Նա նշել է, որ գործադուլները դեռևս չեն ընդգրկում այնպիսի ոլորտներ, ինչպիսիք են աղբի դուրսբերումը կամ տրանսպորտային ձեռնարկությունը:
Սակագները վերանայելու բանակցությունների երկրորդ փուլը տեղի է ունենալու մարտի 7-8-ը Պոտսդամում:
