Նորագյուղի թիվ 9/27, 9/28 ընտրատեղամասերում Aravot.am-ը ականատես է եղել երկու կնոջ վիճաբանության, որոնցից մեկը բղավելով մյուս կնոջ վրա, փորձում էր ապացուցել, որ կանանցից մեկը գումար է ստացել. «Սուտ ես ասում, դու ուրեմն փող չե՞ս ստացել:
Չես ամաչում, խաբում ես, աղջի ոնց թե քեզ փողը չեն տվել, քեզ տվել են փողը»: Երբ մենք մոտեցանք վիճող կանանց, հետաքրքրվելով, թե այդ ի՞նչ գումարի խնդիր է ծագել, կանանցից մեկն այսպես պատասխանեց.«Քե՞զ ինչ, շոր ենք առել, պարտքն ենք, տրուսիկ եմ առել, բլուզկա եմ առել, պարտքից ենք խոսում»: Թեև լրատվամիջոցին չի հաջողվել իմանալ կանանց անուն ազգանունները, սակայն պարզել են, որ նրանք հանձնաժողովի անդամներ են:
