WBO վարկածով աշխարհի չեմպիոն Ռոբերտ Շտիգլիցը Sportbox.ru-ին տված հարցազրույցում պատմել է իր և Խորեն Գևորի մենամարտից հետո ռինգում տեղի ունեցած սկանդալի մասին:
«Մարտն այնքան էլ բարդ չէր ինձ համար: Ես տեղյակ էի, որ Խորենն այնքան էլ ազնիվ մարզիկ չէ. նա կարող է հարվածել մրցակցի ծոծրակին կամ գոտկատեղից ներքև: Ֆելիքս Շտուրմի հետ մենամարտում նույնպես նա ռինգը կրկեսի վերածեց: Հենց այդ պատճառով ես սպասում էի, որ ուր որ է նա մի բան կհնարի:
Մի պահ բռնցքամարտն ըմբշամարտի վերածվեց. մենք միմյանցից կախվել էինք, և երկուսս էլ ընկանք: Այդ ժամանակ նա մի փոքր դադարից հետո գլխով հարվածեց ինձ: Տպավորությունն այնպիսին էր, որ հարվածը պատահական ստացվեց, սակայն, իմ կարծիքով, նա դիտավորյալ սադրում էր ինձ:
Մարտից հետո Գևորն իրեն շատ ագրեսիվ պահեց: Նա փորձում էր իմ մարզիչին հարվածել, ով միայն լավ ռեակցիայի շնորհիվ խուսափեց հարվածից: Այնուհետև նա հարձակվեց մրցավարի վրա ու մի քանի հարված հասցրեց: Դա վայրի հարձակում էր մրցավարի վրա:
Ես լսել եմ տեխնիկական տնօրենի խոսքերը, որ այդ մարդուն հարկավոր արգելել Գերմանիայի տարածքում մենամարտել և ընդհանրապես զրկել WBO-ում հանդես գալու իրավունքից»:
