Դանիայում աղմուկ է բարձրացել մուսուլման դերասանուհիների նոր՝ «Վարագույրը բարձրացված չէ» հումորային ծրագրի շուրջ: Շոուի կարճ սյուժեներում սուր հեգնանք է Դանիա ներգաղթած մուսուլմանների նոր սերնդի հանդեպ: Այս մասին հաղորդում է france24.com տեղեկատվական կայքը:
Շոուի երիտասարդ հաղորդավարուհիները մի շարք սպառնալիքներ են ստացել անհայտ անձանցից և բավականին վախեցած են, քանի որ իսլամին և ամբողջ աշխարհի մուսուլմաններին վիրավորելու համար նրանց մահապատժով են սպառնում: Մուսուլման դերասանուհիների խոսքով՝ նրանց նպատակն է եղել մատնանշել այն նախապաշարմունքները, որոնց ամեն օր բախվում են երիտասարդ ներգաղթյալները:
Շոուի ներկայացուցիչների պաշտոնական հայտարարության մեջ, որը տեղադրված է իրենց երկրում հայտնի սոցկայքի էջում, նշված է, որ դերասանուհիները ընդամենը փորձում են կոտրել արդեն ձևավորված կարծրատիպերը և ցանկանում են, որ երիտասարդ մուսուլմաններին ընդունեն որպես ժամանակակից զարգացող սերնդի ներկայացուցիչների:
