eMedia.am-ի տեղեկություններով ՀՀ սոցիալական ապահովության վարչության նախկին պետ Վազգեն Խաչիկյանի գործով դատավարությունը կնախագահի Երևանի Կենտրոն և Նորք Մարաշ վարչական շրջանների ընդհանուր իրավասության դատարանի դատավոր Մխիթար Պապոյանը: Դատավարության օրը դեռ պարզ չէ:
Հիշեցնենք, որ Վազգեն Խաչիկյանը մեղադրվում է պաշտոնական դիրքը չարաշահելու, յուրացում կատարելու մեջ: Նշենք նաև, որ Մխիթար Պապոյանը Երևանի Կենտրոն և Նորք Մարաշ վարչական շրջանների ընդհանուր իրավասության դատարանի երիտասարդ դատավորներից է: Մխիթար Պապոյանը մի քանի աղմկահարույց դատավարություններ է քննել, որոնցից են եղել ՀՀ ՃՈ նախկին պետ Մարգար Օհանյանի դատավարությունը, Անժելա Սարգսյանի պոռնոգրաֆիկ նկարների տարածման գործով դատավարությունը, ինչպես նաև այժմ շարունակվող «Բանդայի» հայտնի գործով դատավարությունը: