Կարծիք կա, որ ըմպելիքների մեջ կաթնային կոկտեյլները լավագույնն են: Սակայն գիտնականները ապացուցել են, որ դա այդպես չէ: Ամենավնասակար ըմպելիքը, գիտնականների կարծիքով, մանկուց սիրած կաթնային կոկտեյլներն են, գրում է 03info.com-ը:
Ամերիկացի գիտնականները ապացուցել են, որ քաղցր կաթնային կոկտեյլները չափազանց վնասակար են առողջությանը: Դրանք մեծ քանակությամբ շաքար և ճարպեր են պարունակում: Հենց այս կոկտեյլն են ամենից հաճախ պատվիրում արագ սննդի սիրահարները:
Կատարված ուսումնասիրությունների արդյունքում, որոնց մասնակցել են միջնակարգ սպրոցի 100 աշակերտներ, ովքեր շոկոլադի համով կոկտեյլներ են խմել, պարզվել է, որ ուղեղը նման ըմպելիքները որպես թմրանյութ է ընկալում: Շաքարն իրականում ուղեղում հաճույքի կենտրոնը խթանող ուժեղ միջոց է: Հատկապես վնասակար են երեխաների և դեռահասների համար նախատեսված քաղցր կաթնային կոկտեյլները:
Որոշ երեխաների մոտ կաթնային կոկտեյլներից հետո նկատելիորեն մեծանում է փորը և ավելանում գազարտադրությունը: Նման դեպքերում հարկավոր է կրճատել օգտագործվող կաթնային կոկտեյլների քանակը: Խորհուրդ չի տրվում նաև կաթնային կոկտեյլներին մրգեր և հատապտուղներ խառնել, ինչը կարող է փորլուծության պատճառ դառնալ:
Գիտնականները պնդում են, որ կաթնային կոկտեյլներում պարունակվող շաքարը վնասում է նաև երեխաների ատամները: Ատամնաբույժներն ասում են, որ երեխաների ատամների վիճակը հատկապես վատ է ապահովված ընտանիքներում, որտեղ ծնողները գումար չեն խնայում կաթնային կոկտեյլների, կակաոյի և տաք շոկոլադի համար:
Կաթնային կոկտեյլ գնելիս հարկավոր է ուշադրություն դարձնել դրա փաթեթավորման որակին: Նման կոկտեյլները Е խմբի կոնսերվանտներ են պարունակում, որոնք բացասաբար են ազդում օրգանիզմի վրա: Այդ կոկտեյլներում միշտ գունավորող նյութեր և հավելումներ են կիրառվում, որոնք վնասակար են երիտասարդ օրգանիզմին:
