Նորվեգիայի հավաքականի 16-ամյա կիսապաշտպան Մարտին Էդեգորը, ով 2015թ. ձմեռային տրանսֆերային պատուհանի ժամանակ տեղափոխվել է Մադրիդի «Ռեալ», հրաժարվում է մասնակցել «Կաստիլյա»-ի («Ռեալ»-ի երկրորդ թիմի) մարզումներին: Նա ներկայանում է միայն խաղերին: Այս մասին գրում է AS-ը:
«Կաստիլյա»-ն գլխավորող Զինեդին Զիդանը վերջին 2 խաղերում Էդեգորին թողել է պահեստայինների նստարանին:
Ֆուտբոլիստն ու նրա հայրը ցանկանում են ակտիվացնել պայմանագրում նշված կետը, ըստ որի՝ Էդեգորը շաբաթական 5 օր կարող է մարզվել հիմնական թիմի կազմում:
Մարզչական շտաբը կիսապաշտպանին կոչ է անում պրոֆեսիոնալ վերաբերմունք ցուցաբերել ու մարզվել «Կաստիլյա»-ում, իսկ վերջինս ցանկանում է մարզվել Քրիշտիանու Ռոնալդուի հետ:
