Կամ ոտքով կամ մեքենայով` կպատասխանեք դուք: Այդուհանդերձ, հակառակ այդ հանրահայտ ճշմարտության, այսօր գիտնականները…
Նոր ուղղության հետազոտողները մասնագիտացել են քրոնալ կենսաբանության բնագավառում, իսկ այդ գիտությունը պարզել է, որ մարդու բոլոր օրգանները` ուղեղը, մարմինը, հոգին ծննդյան օրվանից մինչեւ մահ ենթարկվում են «եռակի ցիկլի»: Օրական երեք անգամ տեղի է ունենում ֆիզիկական ուժերի հորդում և նահանջ: Երեք անգամ հոգնություն է իջնում մարդու վրա: Եվ տրամադրությունն էլ է փոփոխվում նույնքան անգամ: Սեփական հայտնագործությունից ելնելով` քրոնոկենսաբաններն Արևմուտքում այսօր գործնական խորհուրդներ են մշակում մարդու մասնագիտական գործունեությունը, նրա կենցաղն ու հանգիստը, ցանկացած կենսական իրավիճակները «ճիշտ հունի մեջ դնելու» նպատակով: Օրինակ` վարորդներին խորհուրդ չի տրվում մեքենա վարել գիշերվա ժամը 2-ից 4-ն ընկած ժամանակամիջոցում, նույնիսկ եթե մինչ այդ նրանք նախապատրաստվել են գիշերային հերթափոխին և 8 ժամ քնել են: Նշված ժամանակամիջոցում «կանգ է առնում» մարդկային օրգանիզմի զարթուցիչը: Դպրոցականներին քրոնոկենսաբանները խորհուրդ են տալիս դասերը պատրաստել ժամը 16.30-ից մինչև 18-ը: Աշխատանքի վայրում կարեւորագույն գործերը «հանձնարարում են» կատարել առավոտյան ժամը 10-12-ը ընկած հատվածում (դա հենց այն ժամանակն է, երբ «զարթուցիչը» առավելագույն ուժով է աշխատում, և այս դեպքում հնարավոր է առավելագույնս և հօգուտ սեփական մասնագիտության օգտագործել օրգանիզմի ֆիզիկական հնարավորությունները): Այսպիսով հիշենք, որ մեզանից յուրաքանչյուրի «ներսում» ժամացույց կա եւ ամենից ճիշտ կլինի հենց դրանով որոշել, թե կոնկրետ պահին մարդկային գործունեության որ տեսակն է նախընտրելի և որն է անհրաժեշտ մի կողմ թողնել: Այնպես որ` գործի անցեք, կարդալուց հետո հետևեք ձեր եզրահանգումներին:
Արհեստի համար հարմար ժամանակը.
Ինչ-որ բան կերտող մատների առավելագույն աշխատունակությունը դիտվում է ժամը 15-ի եւ 16-ի միջակայքում:
Երբ պետք է ծանոթություններ հաստատել.
Մարդն ընդունակ է ամենամոտ ձեռքսեղմման ժամը 9-ի եւ 10-ի միջակայքում:
Բժշկի մոտ ընդունելություն.
Մարդու մաշկը բժշկական սրսկումներ ամենից լավ ընդունում է առավոտյան ժամը 9-ին:
Սպորտի ժամեր.
Մեր մկաններն առավել աշխատունակ են ժամը 13.30-ին:
Սիրելու ժամանակը.
Սեռական հորմոնալ վերելք է նկատվում առավոտյան ժամը 8-ին:
Ճաշելու ժամանակը.
Առավել քանակությամբ ստամոքսաթթու է արտադրվում ժամը 13-ին, նույնիսկ երբ մարդը ոչինչ չի ուտում:
Խմելու ցանկությու՞ն է առաջացել.
Լյարդն ամենից հեշտ է ալկոհոլ ընդունում ժամը 18-ի և 20-ի միջեւ ընկած ժամանակահատվածում:
Հեշտ է շնչել.
Թոքերի առավելագույն ինտենսիվությունը դիտվում է ժամը 16-ի և 18-ի միջև ընկած ժամանակահատվածում:
Առավելագույն զգայունություն.
Մարդու օրգանիզմի համի, հոտառության, լսողության առավել լիարժեք ընկալումները դրսևորվում են ժամը 17-ի և 19-ի միջև ընկած ժամանակահատվածում:
Աճում–մեծանում ենք.
Օրվա ընթացքում մարդու մազերն ու եղունգներն առավելապես ինտենսիվ են աճում ժամը 16-ի և 18-ի միջև ընկած ժամանակահատվածում:
Լավագույն իմունիտետ.
Օրգանիզմը վարակներին ամենաուժեղ դիմադրում է ժամը 22-ին:
Ծննդաբերություն.
Մեծ մասամբ երեխաներ են ծնվում կեսգիշերից մինչև առավոտյան ժամը 4-ն ընկած ժամանակամիջոցում:
Երբ է պետք խուսափել մենությունից.
Մարդն ամենից սուր է տանում մենության զգացողությունը ժամը 20-ի եւ 22-ի միջեւ ընկած ժամանակահատվածում:
Շտապեք գնալ դիմահարդարի մոտ.
Մաշկն առավելապես դիմահարդարման կարիք է զգում ժամը 18-20-ի միջակայքում:
Կույր ժամեր.
Վարորդների տեսողությունն ամենից վատ է գիշերվա ժամը 2-ին:
Գիշերային հերթափոխի ժամանակ սնվելու ամենահարմար ժամանակը.
Գիշերային հերթափոխի արտադրությունում աշխատունակությունն ընկնում է առավոտյան ժամը 3-4-ն ընկած ժամանակահատվածում:
Թուլության ժամեր.
Մարդու մոտ արյան ճնշումն առավելագույնս նվազում է առավոտյան ժամը 4-5-ի միջակայքում:
