«Հովիկ Աբրահամյանն ավելացնում է իր ունեցվածքը` գաստրոնում ու տարբեր ընկերություններ բացելով, իսկ մենք օրական հազար դրամ ենք վաստակում: Ղեկավարությունը միշտ պիտի շատ ունենա, իսկ մենք քյասիբ մնանք: Լավ բան չկա»,- «Առաջին լրատվական»-ի հետ զրույցում ասացին արտաշատցիները` հավելելով, որ Արարատի մարզում ինչ շահութաբեր բիզնես կա` Հովիկ Աբրահամյանին ու նրա շրջապատին է պատկանում:
Թեև վարչապետն իր բիզնեսի մասին խոսել չի սիրում, բայց Արարատի մարզում լավ տեղյակ են, թե ինչեր ունի՝ «Արտաշատ Վինկո» գինու գործարանը, Արտաշատի տրիկոտաժի և մեխանիկական գործարանները, Շահումյանում գտնվող` 5-րդ տրեստի ավտոպարկը, Արտաշատի կենցաղսպասարկման կոմբինատը, Արտաշատի «Սիրիուս» գործարանը, նախկին զինվորական գործարանը, Մխչյանում գտնվող ATK-ն, ավտոձեռնարկությունը, Մխչյանի բետոնի գործարանը, «Արտաշատ» գաստրոնոմը, Արտաշատի հին բաղնիքը՝ 1 հեկտար հողատարածքով, Արարատի մարզից մինչև Սյունիքի մարզը ներառյալ՝ CՕ գազի տեխզննությունը, Արտաշատի հյուրանոցն ու ռեստորանը, բազմաթիվ գազալցակայաններ, «Արթֆուդ» գործարանը:
«Անընդհատ հարստանում ա, դա ակնհայտ է, տեսեք ձեր աչքով»,- նշեցին Արտաշատում: Բնակիչները վարչապետին հորդորում էին խելքի գալ և միայն ինքն իրեն հարստացնելու մասին չմտածել, մի քիչ էլ ժողովրդին բան թողնել: «Վարչապետը, կարելի ա ասել, մեր երկրում երկրորդ մարդն է, իր ձեռքը շատ բան կա, թող աշխատատեղեր բացի, որ երիտասարդները չարտագաղթեն»,- նշեցին բնակիչները:
Մանրամասները՝ տեսանյութում
