Շվեդիայի ազգային հավաքականի ֆուտբոլիստ Մարտին Օլսոնն Արգենտինայի հավաքականի դեմ խաղից հետո խնդրեց Մեսսիի մարզաշապիկը, սակայն այդպես էլ չկարողացավ իր մոտ պահել այն:
«Այո, Մարտինը վերցրեց այն, նա մեզնից ավելի արագ գտնվեց, սակայն ես այն հանել եմ նրա պայուսակից: Նա այդ մասին չգիտի»,- ԶԼՄ-ների հետ զրույցում հայտնել է Շվեդիայի հավաքականի մեկ այլ ֆուտբոլիստ՝ Ալեքսանդր Կաչանիկլիչը:
Սակայն Օլսոնը տեղյակ էր Կաչանիկլիչի արարքի մասին. «Երբ խոսում էի տղաների հետ, հասկացա, որ Ալեքսանդրը ցանկանում է վերցնել այն: Ես պահել էի պայուսակս, քանի որ գիտեի, որ նա այն բացելու է: Երբ վերադարձա, այն արդեն բաց էր: Սակայն ես վերադարձրել եմ մարզաշապիկը»,- հայտարարել է Օլսոնը:
