Ապրիլի 9-18-ը Թբիլիսիում տեղի են ունենալու ծանրամարտի Եվրոպայի տղամարդկանց և կանանց առաջնությունները: Նախաօլիմպիական մրցաշրջանի կարևոր այս ստուգատեսին ըստ նախնական հայտերի պատրաստվում են մասնակցել աշխարհամասի 38 երկրի 290 մարզիկ:
Կանանց Եվրոպայի 28-րդ առաջնությունում 7 քաշային կարգերում մեդալների պայքարին կմասնակցի 118 ծանորդուհի, իսկ տղամարդկանց Եվրոպայի 94-րդ առաջնությանը՝ 172 ծանրորդ, ովքեր մեդալներ կխաղարկեն 8 քաշային կարգերում:
Կանանց առաջնությանը մասնակցելու համար Հայաստանի հավաքականի գլխավոր մարզիչ Արտաշես Ներսիսիյանը հայտավորել է 4 մարզուհու: Թբիլիսիում կանանց առաջնությունում Հայաստանի մարզական պատիվը պաշտպանելու են՝ 53 կգ՝ Աննա Գովելյան, 25 տարեկան, երկամարտի նախնական պատվերը 200 կգ, 58կգ` Իզաբելա Յայլյան, 20 տարեկան ՝ 190 կգ, 63 կգ ՝ Քրիստինե Պետրոսյան, 23 տարեկան՝ 220 կգ, +75կգ ՝ Հռիփսիմե Խուրշուդյան, 27 տարեկան ՝ 250 կգ:
Տղամարդկանց Հայաստանի հավաքականի գլխավոր մարզիչ Փաշիկ Ալավերդյանն էլ հայտավորել է՝ Սմբատ Մարգարյան, 22 տարեկան, երկամարտի նախնական պատվերը՝ 250 կգ, 69 կգ՝ 2.Ռուստամ Կարապետյան, 28 տարեկակն՝ 320 կգ, Վանիկ Ավետիսյան, 28 տարեկան՝ 320 կգ, 77 կգ՝ Տիգրան Գ. Մարտիրոսյան, 26 տարեկան՝ 360 կգ, Անդրանիկ Կարապետյան, 19 տարեկան ՝ 360 կգ, 6.Առաքել Միրզոյան, 25 տարեկան՝ 350 կգ, 7. 85 կգ՝ Աղասի Աղասյան, 26 տարեկան՝ 360 կգ, 105 կգ՝ Սիմոն Մարտիրոսյան, 18 տարեկան՝ 400 կգ, 105 կգ Ռուբեն Ալեքսանյան, 25 տարեկան՝ 430 կգ:
Մրցումները կսկսվեն ապրիլի 11-ին: Ըստ մրցաշարի ժամանակացույցի, նախ այդ օրը առավոտյան ժամը 9-11-ը իրենց հարաբերությունները կպարզեն տղամարդկանց 56 կգ քաշային կարգի Բ խմբի խմբի մասնակիցները, ապա Վրաստանի ժամանակով ժամը 15:30-16:15-ը տեղի կունենա ստուգատեսի բացման հանդիսավոր արարողությունը:
Հայաստանի պատվիրակներից առաջինը մրցահարթակ կելնի 56 կգ քաշային կարգում ելույթ ունեցող Սմբատ Մարգարյանը: Առաջնությունը կավարտվի ապրիլի 18-ին: Առաջնության մեդալների վերջին հավաքածուն կվիճարկեն գերծանր քաշային կարգի ուժեղագույնները՝ Ա խմբի մասնակիցները:
