Ռուսաստանի Դաշնային խորհուրդը այսօր վավերացրել է Հայաստանի և Ռուսաստանի միջև համաձայնագիրը քաղաքացիների փոխադարձ գտնվելու կարգի վերաբերյալ, հայտնում է TASS-ը:
Փաստաթուղթը նախատեսում է ՌԴ քաղաքացիներին, որոնք գտնվում են Հայաստանի տարածքում, և Հայաստանի քաղաքացիներին, որոնք ժամանակավորապես գտնվում են Ռուսաստանի տարածքում, ազատել երկիր մուտք գործելիս 30 օրում պետական կոմպետենտ մարմիններում գրանցման պարտականությունից (հաշվառման վերցնել ըստ գտնվելու վայրի):
Մասնավորապես, Հայաստանի քաղաքացիները, որոնք նախկինում պարտավոր էին Ռուսաստանում գտնվելու 30 օրվա ընթացքում միգրացիոն հաշվառման կանգնել, հիմա ՌԴ տարածքում կարող են ընդհանուր 180-օրյա ժամակահատվածից 90 օր մնալ առանց հաշվառման:
Դաշնային միգրացիոն ծառայության ղեկավարի առաջին տեղակալ Եկատերինա Եգորովայի խոսքով՝ Հայաստանի քաղաքացիները կազմում են ԱՊՀ-ի միգրացիոն հոսքի մոտ 5%-ը: