Փետերվարի 17 –ին ԲՀԿ-ի Աջափնյակ վարչական շրջանի կառույցից ոստիկանությունը բերման էր ենթարկել 19 անձանց, որոնց հենց նույն օրը ազատ էր արձակել: Բերման ենթարկվածներից է եղել նաև Աջափնյակ համայնքի ԲՀԿ կենտրոնական գրասենյակի ղեկավար Դավիթ Թովմասյանը: Նա «Առաջին լրատվական»-ի հետ զրույցում պատմեց, որ այդ օրը իրենք քաղաքական նիստ էին անցկացնում, ոստիկանները ներս են մտել և ասել, որ ահազանգ են ստացել, թե մարզական հագուստով երիտասարդները տարածքում խուլիգանություն են արել, հայհոյել: Ոստիկանները 19 անձանց բերման են ենթարկել, այնուհետև տեսել են, որ խնդիր չկա ու բաց են թողել:
Դավիթ Թովմասյանից հետաքրքրվեցինք՝ իրենց բերման էին ենթարկել քաղաքակա՞ն դրդապատճառներով։ Վերջինս պատասխանեց. «Չէ, ինչ նպատակով են բերման ենթարկել՝ իրենք կիմանան, ավելի լավ է՝ ոստիկանությանը հարցնեք, ոստիկանությունը նորմալ է վերաբերվել, մեզ համար խնդիր չկա, ըտենց բան չեմ տեսնում, չեմ կարող պատասխանել»,- ասաց նա:
Մանրամասները՝ տեսանյութում։
