«Շալկե»-ի դեմ արտագնա խաղում 2:0 հաշվով հաղթանակ տանելուց հետո Մադրիդի «Ռեալ»-ի կիսապաշտպան Տոնի Կրոսը հայտարարել է, որ մրցակցից նման խաղ չէր սպասում: Նա նշել է նաև, որ պետք չէ խոսել ճգնաժամի մասին:
«Մենք գիտեինք, որ «Շալկե»-ն պաշտպանվելու է: Բայց մեր գոլերը ճիշտ ժամանակին խփվեցին: Ուրախ ենք արդյունքի համար: Մարդիկ խոսում են, թե «Ռեալ»-ում ճգնաժամ է: Բայց ըստ էության, մենք պարզապես ավելի լավ ենք անցկացրել մրցաշրջանի առաջին փուլը: Տեսնենք, թե հետո ինչ կլինի:
Ասում եք ճգնաժա՞մ: Շատերը կարող են երազել այսպիսի ճգնաժամի մասին»,-Football Espana-ն մեջբերում է Կրոսի խոսքերը:
