«Լավ է, որ կատարվում է: Կարելի է անգամ կոալիցիայի մեջ չլինել, բայց եթե մեր պահանջները կատարված լինեն, մենք դրանից բավարարված կլինենք: Մենք ինքնանպատակ իշխանության գալու խնդիր չունենք: Դու կարող ես իշխանության մեջ լինել, բայց քո ասածները չկատարվեն, բայց կարող ես իշխանության մեջ չլինել, բայց քո ասածները կատարվեն: Ո՞րն է լավ. ինձ թվում է՝ երկրորդը»,- ասոաց ԱԺ «Դաշնակցություն» խմբակցության ղեկավար Արմեն Ռուստամյանը՝ անդրադառնալով Սերժ Սարգսյանի կողմից խորհրդարանից հայ-թուրքական արձանագրությունները ետ կանչելուն:
Իսկ ՀՅԴ-ն չունի՞ Հանրապետական կուսակցության հետ կոալիցիա կազմելու մտադրություն: Ա. Ռուստամյանն ասում է, որ եթե իշխանություններն ամբողջությամբ կատարեն իրենց առաջ դրված մեխանիզմները, իրենք խնդիր չունեն:
