Լիտվացի ֆուտբոլիստին ձերբակալել են Գերմանիայի և Հոլանդիայի սահմանը հատելիս: Fox Sports-ի հաղորդմամբ` ֆուտբոլիստը փորձել է 162 կգ հաշիշը Հոլանդիայից տեղափոխել Գերմանիա:
Սուրճի տուփերի մեջ փաթեթավորված թմրանյութերը գնահատվում են 1.3 մլն եվրո: Ֆուտբոլիստը, որի անունը չի հրապարակվում, ձերբակալվել է Գերմանիայի սահմանը հատելու ժամանակ: Տեղի ղեկավարության խոսքով` առգրավված է վերջին տասնամյակում թմրանյութերի ամենամեծ խմբաքանակներից մեկը Հոլանդիա-Գերմանիա սահմանին: Ֆուտբոլիստը պլանավորել էր թմրանյութերը Գերմանիայով և Շվեդիայով հասցնել Ռուսաստան: Այժմ նրան սպառնում է 7 տարվա ազատազրկում:
Նշենք, որ ֆուտբոլիստները սկսել են հաճախ բռնվել Հոլանդիայից թմրանյութեր տեղափոխելիս: Մասնավորապես` տարեսկզբին իսպանական ոստիկանությունը ձերբակալել էր հոլանդական «Ֆեյենորդ»-ի ֆուտբոլիստ Տերենս Մաթեուս Կետսիրային, որը փորձել էր Հոլանդիայից Անգլիա տեղափոխել 635 կգ հաշիշ: