Իտալիայի ոստիկանության կողմից Ռումինիայի 10 քաղաքացի է ձերբակալվել Վերոնայում գտնվող Ջորջիո Արմանի նորաձևության տան պահեստից հագուստի գողության կասկածանքով: Ինչպես տեղեկացրել են ոստիկանության ներկայացուցիչները, վնասը 2 միլիոն եվրո է կազմում:
Իրավապահների խոսքերով՝ կասկածյալները ավելի քան 1,4 հազար հագուստ են գողացել պահեստից, ուր թափանցել են անվտանգության համակարգն անջատելու շնորհիվ: Կասկածյալները պատրաստվում էին գողոնը իրացնել Ռումինիայի շուկաներում և Եվրոպայի այլ երկրներում:
Իտալական ոստիկանության գործողությունների շնորհիվ հայտնաբերվել են գողացված 1378 դիզայներական հագուստներ:
