Ահաբեկչություններից հետո Փարիզի իշխանություններն արգելել են քաղաքի փողոցներում մարտաֆիլմերի տեսարաններ նկարահանել, որոնք ոստիկանների, զինծառայողների կամ հատուկ ծառայությունների համազգեստով դերասաններ են մասնակցում, գրում է RIA Novosti-ն:
Դա կապված է նրա հետ, որ համազգեստով դերասաններին կարող են որպես իրավապահներ ընդունել: Ահաբեկիչները նրանց կարող են որպես թիրախ օգտագործել:
Հայտնի չէ, թե արգելքը որքան ժամանակ կկիրառվի: Զինվորականները դեռևս պահպանում են սինագոգները, ԶԼՄ-ների գրասենյակները, առևտրի կենտրոնները և մարդկանց զանգվածային կուտակման այլ վայրեր:
