Եգիպտոսում բանտից ազատվել են տապալված նախագահ Հոսնի Մուբարաքի երկու որդիները։ Այս մասին հայտնում է Associated Press-ը։
Ալաա և Գամալ Մուբարաքներն ազատվել են բանտից, քանի որ լրացել է կալանքի տակ պահման առավելագույն ժամկետը։
Ավելի վաղ հայտնի էր դարձել, որ եգիպտական դատարանը նախկին նախագահ Հոսնի Մուբարաքին կոռուպցիոն գործով դատապարտել է 3 տարվա ազատազրկման։ Նրա որդիները, ովքեր նույնպես անցնում են գործով, ստացել են 4-ական տարվա ազատազրկման ժամկետներ։ Դատարանը նրանց երեքին մեղավոր է ճանաչել բյուջետային միջոցների անօրինական յուրացման և իշխանության չարշահման համար։
