Թուրքիան պատրաստվում է արտադրել ANKA անօդաչու թռչող սարք: Այս մասին հայտնում է «Անադոլու» գործակալությունը: Անօդաչու սարքն իրականացրել է բոլոր փորձնական թռիչքները, այժմ պատրաստվում է արտադրական գծի:
Թուրքական առաջին հետախուզական անօդաչու սարքի ստեղծման աշխատանքները իրականացվել են 2004 թվականից, իսկ փորձնական աշխատանքները՝ 2012-ի դեկտեմբերից:
Նախագծի վրա աշխատել է մոտ 180 ինժեներ: ANKA-ն պատկանում է տևական թռիչքի հնարավորությամբ միջին բարձրության հասնող սարքերի դասին: Այն կարող է 200 կգ բեռ բարձրացնել՝ ի տարբերություն իսրայելական Heron (185կգ):
Վերջին տարիներին թուրքական ռազմաարդյունաբերական ընկերությունը կենտրոնացել է սեփական ռազմական արտադրանքի մշակման և արտադրության վրա:
Այժմ Թուրքիան աշխատանքներ է տանում Simsek («Կայծակ») անօդաչու սարքի ստեղծման ուղղությամբ: