Ըստ քայքայիչ պաշտամունքից տուժածների օգնության և վերականգնողական կենտրոնի նախագահ Ալեքսանդր Ամարյանի՝ կրոնական կազմակերպություններից միայն Եհովայի վկաններն ու ազգային փոքրամասնություններից միայն մոլոկաններն են խուսափում զինվորական ծառայությունից: «Այլընտանքային ծառայության մասին օրենքը ընդունվեց հենց Եհովայի վկաների համար, սակայն հրաժարվում են ծառաությունից առհասարակ»,- ասում է Ալեքսանդր Ամարյանը: Պատճառը, ըստ նրա, այն է, որ զինվորական ծառայությունից հրաժարվելով և երկու տարի ազատազրկման ենթարկվելով` Եհովայի վկաները մեծ արտոնություններ են ստանում արտերկրում:
Ինչ վերաբերում է ենթամշակութային կառույցներին, մասնավորապես էմոներին, ապա, ըստ Ամարյանի, զինվորական ծառայությունից խուսափելու դեպք դեռ չի գրանցվել:
«Պաշտոնական անձինք չգիտեն` ինչ են ենթամշակութային և ենթակրոնական կառույցները: Հոգեբանները պետք է ուսումնասիրեն և հասկանան այդ կառույցների էությունը»,- ասում է Ալեքսանդր Ամարյանը:
Ենթամշակույթների մասին անտեղյակությունն ու սխալ վերաբերմունքն է նաև ինքնասպանությունների թվի աճի պատճառը: Ըստ ԱՎԾ տվյալների` եթե 1994 թ. գրանցվել է ինքնասպանությունների և ինքնասպանության փորձի 40 դեպք, ապա 2010 թ. այդ ցուցանիշը 500-ի է հասել:
