Իրանի Իսլամական Հանրապետության մայրաքաղաք Թեհրանոմ երկու մարդու կախաղան են բարձրացրել: Նրանց մեղավոր են ճանաչել մի տղամարդու վրա իրականացրած ավազակային հարձակման մեջ: Համացանցում հայտնված տեսանյութում երևում է, թե ինչպես են նրանք մաչետեով սպառնում տղամարդուն: Տեսահսկման խցիկների նկարահանած տեսանյութի տարածումը հասարակական մեծ արձագանք է առաջացրել: Այս մասին հայտնում է The Daily Mail-ը:
24-ամյա Ալիրեզա Մաֆիհիի և Մուհամմադ Ալի-Սարվարիի մահապատիժն իրականացվել է կիրակի` Թեհրանի կենտրոնական այգիներից մեկում: Երկու կողոպտիչների վախճանը դիտելու էր եկել 300 մարդ: Շատերը բջջայիններով, լուսանկարչական խցիկներով լուսանկարել են, ըստ էության, միջնադարյան պատիժը:
Տղաներին մեղադրել են «Աստծո դեմ պատերազմի» մեջ: Հարցաքննության ժամանակ Մաֆիհան ասել է, որ իրենց հանցագործության է դրդել աղքատությունը: Նրանք երկուսն էլ ձերբակալման պահին գործազուրկ են եղել:
