Լիբիայի Պաշտպանության նախարար Մուհամմադ Ալ-Բարգհաթիի ավտոշարասյունը հայտնվել է կրակահերթի տակ: Մի կողմից հակամարտությանը մասնակցել են պաշտոնյայի անվտանգության աշխատակիցները, մյուս կողմից՝ նախկին ապստամբական խմբավորումերից մեկի անդամները, որոնք առաջինն են բացել կրակը: Միջադեպի հետևանքով նախարարը չի տուժել: Այս մասին հայտնում է France 24-ը:
Դեպքը տեղի է ունեցել երկրի արևելքում, Տոբրուկ քաղաքի շրջանում: Ռազմական գերատեսչության պաշտոնական ներկայացուցիչ Խալեդ Ալ-Շերիֆի խոսքով՝ ավտոշարասյունն արդեն լքել էր տեղի օդանավակայանը, երբ դրա ուղղությանբ կրակ է բացվել: Պաշտոնական աղբյուրները չեն հաղորդել այն մասին, թե ինչն է դարձել հրաձգության սկսման դրդապատճառ:
Կառավարության անանուն աղբյուրի փոխանցմամբ՝ միջադեպը տեղի է ունեցել վրեժխնդրության նկատառումներով, իբր թե այն բանից հետո, երբ Պաշտպանության նախարարի նախկին տեղակալը, որը զբաղվել է ազգային գվարդիայի և ենթակառուցվածքների հարցերով, հրաժարվել է կառավարության պահանջով լքել պաշտոնը:
Հիշեցնենք, որ Լիբիայում քաղաքացիական պատերազմից հետո, որի արդյունքը եղավ Մուամար Քադաֆիի ռեժիմի տապալումն ու նրա սպանությունը, տեղի է ունենում նոր ուժային գերատեսչությունների ձևավորման հիվանդագին գործընթաց:
