ԱՄՆ-ում Ջոն Հոփքինիսի համալսարանի բիոինժեներների թիմը մշակել և փորձակել է մտքի ուժով ռոբոտային պրոթեզների կառավարման տեխնոլոգիան: Նոր մեթոդի յուրօրինակությունն այն է, որ հիվանդը կարողացել է երկու ռոբոտ-ձեռքերը կառավարել միաժամանակ` իրական ժամանակի ռեժիմով, գրում է Vesti.ru-ն:
Գիտափորձին մասնակցելու համար գիտնականները հրավիրել են Լեսլի Բոյին, որը երկու ձեռքերը կորցրել է 40 տարի առաջ: Նա մի քանի հանձնարարություններ է կատարել` օբյեկտները շարժելով ինովացիոն պրոթեզների միջոցով:
Հատկապես հետաքրքիր է համակարգի ուսուցողական լինելը: Ինչպես մեր բնական վերջույթներն են ադապտացվում մեր կենսակերպին, այնպես էլ վերոնշյալ պրոթեզները, սակայն ավելի արագ:
Թերապիայի կուրս անցնելուց հետո գիտնականներն ակտիվացրել են կերպարները ճանաչելու հատուկ ծրագիր: Ապա նրանք նաև որոշել են նյարդային ազդակների հաճախականությունը: Այդ տեղեկությունը հետո հատուկ ազդանշանների է վերածվել պրոթեզների հստակ շարժումների համար: Ապա հիվանդին վիրահատել են և տեղադրել պրոթեզները:
Վիրահատությունից հետո հիվանդին սկսել են «վարժեցնել» պրոթեզներին վիրտուալ իրականության միջոցով:
