Թուրքիայի անվտանգության ուժերի հատուկ գործողության ընթացքում Ստամբուլում, Իզմիրում և Անկարայում ձերբակալվել է 27 մարդ:
Ինչպես հաղորդում է թուրքական Hürriyet թերթը, ձերբակալվածները կասկածվում են Քրդստանի աշխատավորական կուսակցության (PKK) ահաբեկիչներին աջակցելու մեջ:
Թերթի տվյալներով՝ Ստամբուլում ձերբակալվածների թվում կա տաս փաստաբան, որոնք կասկածվում են PKK-ի անդամների հետ համագործակցության մեջ:
Թուրքիայում ավելի քան 25 տարի շարունակվում է հակամարտությունը PKK-ի հետ, որը պահանջում է ստեղծել քրդական անկախ պետություն: Այս ընթացքում հակամարտությանը զոհ է գնացել ավելի քան 40 հազար մարդ:
ՄԱԿ-ը և Եվրամիությունը PKK-ն ճանաչել են ահաբեկչական կազմակերպություն:
