ԱՄՆ-ի իշխանությունները դեֆոլտի են սպասում փետրվարի կեսերին, եթե մոտ ժամանակներս Կոնգրեսը համաձայնության չգա պետպարտքի վերին թույլատրելի շեմի բարձրացման վերաբերյալ,- հայտարարել է երկրի ֆինանսների նախարար Թիմոթի Գայթները:Այս մասին հայտնում է RIA Novosti-ն:
ԱՄՆ պետպարտքի վերին թույլատրելի շեմը ներկայումս կազմում է 16.394 տրիլիոն դոլար: Այն վերջին անգամ բարձրացվել է 2012 թվականին հունվարի վերջին: Երկիրը «առաստաղին» հասել է 2012-ի դեկտեմբեր 31-ին, սակայն ֆինանսների նախարարությունը միջոցառումներ է ընդունել, որոնք անհրաժեշտ են կառավարության կողմից ֆինանսական պարտավորությունների կատարման համար:
Պետպարտքի վերին թույլատրելի շեմի բարձրացման մասին պայմանավորվածությունը ԱՄՆ վարչակազմն ու Կոնգրեսը պետք է ձեռք բերեն մինչև մարտի 1-ը, հակառակ դեպքում երկիրը չի կարողանա վճարել իր պարտավորությունների համար:
«ԱՄՆ-ն կարող է զրկվել իր պարտականությունների կատարման հնարավորությունից արդեն փետրվարի կեսերին …կամ մարտի սկզբին: Ներկայումսֆինանսների նախարարությունը աննախադեպ միջոցներ է ձեռնարկում դեֆոլտից խուսափելու համար»,-ասված է նախարարի նամակում՝ ուղղված Ներկայացուցիչների պալատի խոսնակ Ջոն Բոհներին:
Գայթները կոչ է արել հանրապետական կոնգրեսականներին հնարավորինս արագ անցնել այդ հարցի քննարկմանը և առանց հապաղելու բարձրացնել պետպարտքի շեմը:
Նման կոչովԿոնգրեսին դիմել է նաև նախագահ Բարաք Օբաման: Նա վստահեցրել է, որ պետպարտքի «առաստաղի» բարձրացումը պետական ծախսերի ավելացման պատճառ չի դառնա, ինչին կտրուկ դեմ են հանրապետականները:
