Հանրահայտ ֆրանսիացի դերասան Ժերար Դեպարդյեն, որը վերջերս է ՌԴ քաղաքացիություն ստացել, ժամանել է Բաքու՝ կինոարդյունաբերության ոլորտում մի շարք նախագծերի իրականացման համար: Այս մասին հայտնում է Trend-ը:
Նրա այցի ծրագիրը շատ հագեցած է: Դերասանը երկրում կգտնվի ընդամենը մեկ օր:
Դեպարդյեն Բաքու է այցելում ոչ առաջին անգամ: Նրա վերջին այցը Ադրբեջան եղել է անցած տարվա սեպտեմբերին: Այդ այցը կապված էր «Ալեքսանդր Դյուման Ադրբեջանում» վավերագրական ֆիլմի նկարահանումների հետ: Ֆիլմում Դեպարդյեն հանդես է եկել գլխավոր դերերից մեկով: Ֆիլմի ռեժիսորն է ֆրանսիացի Ստեֆան Բերգունյոն:
