Ադրբեջանում Հուգարիայի դեսպան Ժոլտ Չուտորան հարցազրույց է տվել APA գործակալությանը:
Դեսպանը, խոսելով հունգարա-ադրբեջանական հարաբերությունների մասին, անդրադաձել է Ռամիլ Սաֆարովի արտահանձմանը:
Չուտորան նշել է, որ դա եղել է բացառապես իրավաբանական որոշում, և հավելել է, որ անկախ այդ որոշումից են լավացել հարաբերություններն Ադրբեջանի և Հունգարիայի միջև:
«Երկու երկրների գերատեսչությունների, ղեկավարների միջև առկա են լավ հարաբերություններ, ես նույնիսկ կասեի, որ դրանք որոշ իմաստով դարձել են բարեկամական: Ռամիլ Սաֆարովի արտահանձնումը Ադրբեջան որևէ կերպ չի անդրադարձել մեր կապերի վրա, քանի որ դա եղել է բացառապես իրավական գործընթաց: Մեր ժողովուրդները մոտենում են միմյանց, նրանք շատ նման են իրան»,- ասել է դեսպանը և հավելել, որ երկու երկրների լեզուներում կան նաև նման արտաբերվող շատ բառեր:
Անդրադառնալով այն հարցին, որ Հայաստանի Հանրապետությունը դադարեցրել է դիվանագիտական հարաբերությունները Հունգարիայի հետ Սաֆարովի արտահանձնաումից հետո՝ դեսպանը հայտարարել է, որ Ռամիլ Սաֆարովին արտահանձնելու մասին Հունգարիայի կայացրած որոշումը ուղղված չի եղել որևէ այլ պետության դեմ:
«Ցավոք սրտի, Հայաստանը դադարեցրել է դիվանագիտական հարաբերությունները մեր երկրի հետ: Մենք ջանում ենք բարելավել հարաբերությունները Հայաստանի հետ, և հույս ունեմ, որ դա տեղի կունենա մոտ ապագայում»,- ասել է Չուտորան:
Դեսպանը նաև նշել է, որ Հունգարիան չունի հակառակորդներ և ջանում է դիվանագիտական լավ հարաբերություններ հաստատել բոլորի հետ:
Պատասխանելով լրագրողի հարցին, թե մամուլում տեղեկատվություն էր հայտնվել այն մասին, որ Ադրբեջանը ցանկանում է ներդրում կատարել Հունգարիայի տնտեսությունում, դեսպանը նշել է, որ դա նորմալ գործընթաց է, սակայն այդ հարցը միշտ կախված է ներդրողներից: Չուտորան կարծում է, որ Ադրբեջանի տնտեսական շրջանները պատրաստ են ներդրում կատարել Հունգարիայում, եթե դա շահավետ է:
«Ինչպես հունգարական, այնպես էլ ադրբեջանական մամուլում կարդացել եմ, որ Ադրբեջանը պատրաստ է ներդրումներ կատարել Ռամիլ Սաֆարովի արտահանձնումից հետո: Բերվել են նաև տարբեր թվեր՝ 1, 2 և նույնիսկ 5 միլիարդ եվրո: Սակայն ես չեմ լսել, որ Ադրբեջանը՝ որպես պետություն, հետաքրքրված է նման ներդումներ»,- հավելել է դեսպանը:
Խոսելով Լեռանային Ղարաբաղի հակամարտության մասին՝ Չուտորան նշել է, որ դրա կարգավորումը հնարավոր է բացառապես խաղաղ ճանապարհով: Դեսպանի կարծիքով՝ շատ կարևոր է, որպեսզի կողմերը շարունակեն բանակցել:
«Ներկայում Հունգարիայի և Հայաստանի միջև առկա են ոչ այդքան լավ հարաբերություններ, չկան դիվանագիտական կապեր: Այդ պատճառով Հունգարիան հազիվ թե կարողանա օգնել այս հարցում: Սակայն մեր մոտեցումը չի փոխվել. մենք շարունակում ենք ճանաչել Աֆրբեջանի տարածքային ամբողջականությունը, մենք ագրեսիայի, պատերազմի դեմ ենք: Այդ պատճառով այս խնդրի լուծումը հնարավոր է միայն խաղաղ ճանապարհով»,- եզրափակել է դեսպանը:
