Ինչպես հայտնի է, Ալմաթիում մեծահասակների ծանրամարտի աշխարհի առաջնությունը նաև օլիմպիական վարկանիշային մրցաշարի կարգավիճակ ուներ ու թիմային պայքարում վաստակած միավորներով սկսվեց 2016 թ օլիմպիական ուղեգրերի ամրագրման գործընթացը: Նշենք, որ ուղեգրերը հիմնականում բաշխվելու են 2014 և 2015 թթ աշխարհի առաջնություններում թիմային պայքարում օլիմպիական վարկանիշային առանձին հաշվարկով վաստակած միավորների հանրագումարով:
Երկու տարիների վաստակած վարկանիշային միավորերի ընդհանուր գումարով ուղեգրերը կբաշխվեն հետևյալ սկզբունքով. տղամարդկանց մրցաշարում դրանք կստանան թիմային պայքարում հետևյալ հորիզոնականներում տեղեր զբաղեցրած ընտրանիները՝ 1–6-րդ տեղերը գրաված ընտրանիները կստանան 6-ական ուղեգիր, 7-12-րդ` հինգ, 13-18-րդ` չորս, 19 -24-րդ` երեք ուղեգիր: Այս կերպ կբաշխվեն օլիմպիական 6X6+6X5+6X4+6 X3 =36+30+24+18=108 ուղեգիր: Ալմաթիում ավարտված աշխարհի առաջնությունում, հաշվի առնելով ընտրանիների կազմերում առավել բարձր արդյունքեր արձանագրած առավելագույնը 6 ծանորոդի ցուցանիշները, թիմային պայքարում տեղերը բաշխվել են այսպես. 1.Չինաստան ՝ 143 միավոր, 2. Ղազախսատան ՝ 139, 3 Հյուսիս.Կորեա՝ 139, 4.Ռուսասատան ՝ 138, 5. Բելառուս՝ 121, 6.Իրան՝ 119 միավոր:
Հայաստանի ընտրանին ստուգատեսին մասնակցեց 8 ծանորդով, որոնցից առավել բարձր արդյունքներ արձանագրած 6 ծանրորդները այսպիսի հաշվարկային վարկանիշային միավորներ պարգևեցին ՀՀ հավաքականին՝ 1. 56 կգ Սմբատ Մարգարյան, 18-րդ տեղ՝ 8 միավոր, 2.69 կգ Վանիկ Ավետիսյան, 5-րդ ՝ 21 միավոր, 3.77 կգ Արա Խաչատրյան, 16-րդ տեղ ՝ 10 միավոր, 4.85 կգ Աղասի Աղասյան,15-րդ տեղ՝ 11 միավոր, 5.105 կգ Սիմոն Մարտիրոսյան ,7-րդ տեղ ՝ 19 միավոր, 6.+105 կգ Հայկ Հակոբյան, 14-րդ տեղ՝ 12 միավոր:
Ընդհանուր հաշվակային 81 միավորով Հայաստանի ընտրանին օլիմպիական վարկանիշային մրցաշարի հաշվարկով զբաղեցրեց 12-րդ տեղը: Այստեղ 7-12-րդ տեղեր զբաղեցնողների ու Հայաստանի հավաքականի նման նախնական 5-ական օլիմպիական ուղեգրեր ամրագրած ընտրանիներ են ՝ 7.Եգիպտոս ՝ 118 միավոր, 9. Իտալիա ՝ 102,10. Մոլդովա ՝ 94, 11. Բուլղարիա՝ 85 միավոր: Կանանց մրցաշարում դրանք կստանան թիմային պայքարում հետևյալ հորիզոնականներում տեղեր զբաղեցրած ընտրանիները ՝ 1-9-րդ տեղերը զբաղեցրած հավաքականները կստանան 4-ական ուղեգիր, 10 -16-րդ՝ 3-ական, 17-21-րդ՝ 2-ական ուղեգիր:
Այս կերպ կբաշխվեն օլիմպիական ՝ 4X9+ 7X3+ 5X2 =36+21+10=67 ուղեգիր: Այստեղ հաշվի են առնվում միայն ընտրանիներում առավել բարձր արդյունք գրանցած 4 ծանրորդուհիների վաստակած հաշվարկային վարկանիշային միավորները: Թիմային պայքարում օլիմպիական վարկանիշային մրցաշարի ցուցանիշներով առաջատարների խմբում են. 1.Չինաստան՝ 109 միավոր, 2.Հյուսիս.Կորեա՝ 104, 3.Ռուսաստան՝ 99 միավոր, 4. Ղազախստան՝ 93, Թայլանդ՝ 91, 6.Տայպեյ՝ 81, 7.Կոլումբիա՝ 80,ց8.Ուկրաինա՝ 70, 9.Ճապոնիա՝ 67 միավոր:
Կանանց Հայաստանի ընտրանին ստուգատեսին մասնակցեց 6 ծանորդուհիներով, որոնցից առավել բարձր արդյունքներ արձանագրած 4 ծանրորդուհիներն այսպիսի հաշվարկային վարկանիշային միավորներ պարգևեցին ՀՀ հավաքականին՝ 53 կգ Աննա Գովելյան 22-րդ տեղ՝ 4 միավոր, 63 կգ տեղ, Իզաբելա Յայլյան, 19-րդ տեղ՝ 7 միավոր, 69 կգ Մելինե Դալուզյան, 11-րդ տեղ, 15 միավոր, 75 կգ Հռիփսիմե Խուրշուդյան, 15-րդ տեղ, 11 միավոր: Ընդհանուր հաշվարկային 37 միավորով Հայաստանի ընտրանին օլիմպիական վարկանիշային մրցաշարի հաշվարկով զբաղեցրեց 22-րդ տեղը: 17-21-րդ տեղերը զբաղեցնում են՝ 17. Դոմինիկյան Հանրապետություն՝ 42միավոր, 18.Մեքսիկա՝ 41, 19.Թուրքիա՝ 39, 20.Ինդոնեզիա՝ 39, 21.Իսպանիա՝ 38 միավոր:
Այն հավաքականներն, որոնք նշած հաշվարկով չեն արժանանա ուղեգրի, ապա Ռիո դե Ժանեյրո մեկելու ևս մեկ հնարավորություն կստանան համապատասխան աշխարհամասերի 2016 թ գարնանը նախատեսված առաջնություններում: Մեր պարագայում դա Եվրոպայի առաջնությունն է: Աշխարհամասային առաջնություններում (2016 թ գարնանը) թիմային պայքարում չեմպիոն դարձած հավաքականներին կշնորհվի 2-ական ուղեգիր, իսկ 2-րդ , 3-րդ , 4-րդ տեղերին` մեկական: Աշխարհի առաջնությունների արդյունքներով օլիմպիական ուղեգրեր նվաճած երկրների ընրանիները այս պարագայում դուրս կմնան հաշվարկից և աշխարհամասի առաջնության ժամանակ պայքարը կընթանա միայն ուղեգրեր չունեցող երկրների միջև:
Հավելենք նաև, որ Ռիո-2016-ի օլիմպիադայի ծանրամարտի մրցաշարին մասնակցելու է 260 մարզիկ, այդ թվում տղամարդկանց 8 քաշային կարգերում ելույթ են ունենալու 156 ծանրորդներ, կանանց 7 քաշային կարգերում ՝ 104 ծանրորդուհի: Հիշեցնենք, որ առավելագույն տեղը յուրաքանչյուր երկրի համար 6 ծանրորդ է, 4 ծանրորդուհի:
Հայաստանի ծանրամարտի ֆեդերացիայի մամլո ծառայություն
