«Ցավով եմ արձանագրում, որ հնարավոր չեղավ հավաքել անհրաժեշտ թվով պատգամավորների ստորագրություն՝ ՀՀ նախագահւ պաշտոնը զբաղեցնող Սերժ Սարգսյանին պաշտոնանկ անելու մասին որոշման նախագիծը արտահերթ կարգով Ազգային ժողովում քննարկելու համար։ Այս մասին այսօր ԱԺ նիստի մեծ ընդմիջմանը լրագրողների հետ զրույցում հայտարարեց Նիկոլ Փաշինյանը, ով Սերժ Սարգսյանին իմպիչմենթ հայտարարելու գործընթաց էր նախաձեռնել:
ՀԱԿ խմբակցության պատգամավորի նախաձեռնությանը միացել էին ընդամենը երկու պատգամավոր Զարուհի Փոստանջյանն ու Ալեքսանդր Արզւոմանյանը։ Ինչ վերաբերում է այն դիտարկմանը, թե ոչ իշխանական ուժերը չեն միացել իր նախաձեռնությանը հիմնավոր փաստարկների բացակայության պատճառով Փաշինյանն ասաց․ «Եթե ուշադիր եք եղել, ես փաստաթուղթը հրապարակել եմ նախաբանով՝ ասելով, որ ամենևին հակված չեմ մտածելու, որ սպառիչ են էդ ձևակերպումները, և այս պահին ձևակերպել եմ նրանք, որոնք հնարավոր եմ համարել ձևակերպել ՍԴ մասին օրենքի պահանջներին համապատասխան»։
Փաշինյանն ընդգծեց նաև, որ ովքեր համարում են, որ իր այս փաստաթուղթը չի բավարարում իրենց պահանջներին, թող իրենք իրենց առաջարկություններն անեն, ու ինքը դրանք պատրաստ է քննարկել ու ներառել դրանում, կամ թող նորը ստեղծեն, որին ինքը միանշանակ կմիանա։
